Shërbimet Tona

Delfini2 ofron një shërbim të plotë zhdoganimi mallrash që përfshin përgatitjen dhe paraqitjen e dokumentacionit doganor, llogaritjen e detyrimeve dhe taksave, asistencën gjatë inspektimeve doganore dhe koordinimin me autoritetet doganore dhe portuale. Ekipi ynë ekspert garanton kohë të shpejta zhdoganimi dhe respektimin e të gjitha rregulloreve në fuqi.

Delfini2 ofron konsulencë eksperte mbi të gjitha çështjet doganore, përfshirë klasifikimin tarifor të mallrave, zbatimin e regjimeve doganore speciale (transit, magazinim doganor, përpunim aktiv dhe pasiv, eksport, import), lehtësirat nga marrëveshjet tregtare ndërkombëtare dhe përputhshmërinë me rregulloret e importit dhe eksportit. Asistojmë klientët në optimizimin e kostove doganore si dhe zbatimin e saktë të rregullave të origjinës preferenciale (duke i sugjeruar klientit përdorimin e Certifikatës EUR1, e cila, në pjesën dërrmuese të rasteve, ndikon në uljen e plotë të taksës doganore).

Merremi me përgatitjen dhe menaxhimin e të gjithë dokumenteve të nevojshme për operacionet e importit/eksportit: • deklarata doganore • dokumentet e transportit (polica ngarkimi, CMR, AWB) • certifikata origjine • certifikata sanitare dhe fitosanitare • licenca importi • dokumente për mallra të kufizuara. Garantojmë saktësinë dhe plotësinë e dokumentacionit për të shmangur vonesat dhe gjobat.

Delfini2 merr përsipër plotësimin e deklaratave doganore të importit për të gjitha llojet e mallrave që hyjnë në territorin e Shqipërisë, si në pikat doganore kufitare të porteve detare, ashtu edhe në pikat doganore kufitare tokësore. Ne operojmë në Durrës, Tiranë, Rinas, Vlorë, Lezhë, Hani i Hotit, Kapshticë, Morinë, Qafë Thanë, Kakavijë, Qafë Botë.

Menaxhimi i operacioneve të tranzitit dhe eksportit doganor, kombëtar dhe ndërkombëtar (pra kalimi i mallrave në regjim tranziti nga pikat kufitare në doganat ku do të kryhet zhdoganimi dhe shkarkimi i mallrave, tranzitimi ndërkombëtar i mallrave të huaja dhe, nga ana tjetër, eksportimi i mallrave shqiptare apo ri-eksportimi i mallrave të huaja).

Shërbime magazinimi doganor dhe menaxhim i mallrave nën regjimin e ruajtjes së përkohshme (plotësimi i deklaratës doganore për futjen e mallit në magazinën doganore dhe njëkohësisht plotësimi i deklaratës doganore për daljen e mallrave nga magazina doganore). Këtu bëhet fjalë edhe për eksportimin direkt nga magazina doganore drejt pikave kufitare doganore (për rastet e eksportit të mallrave të huaja nga magazinat doganore drejt vendit të destinacionit).

Delfini2 ndihmon në plotësimin e deklaratës së importit për mallrat që hyjnë në territorin e Shqipërisë për t'u përpunuar, dhe njëkohësisht merr përsipër edhe plotësimin e deklaratës së eksportit për mallrat e përpunuara ose të gatshme që kthehen në destinacionin e duhur jashtë Shqipërisë. Japim konsulencë doganore për mënyrën e plotësimit të dokumentacionit në rastin e eksportit të produkteve të gatshme të përpunuara në fasoneri.